Иргэд нэгдэж хороогоо тохижуулжээ

Twitter Print
2014 оны 06-р сар 18-нд 08:06 цагт
Мэдээний зураг,

Баянгол дүүргийн Хөдөлмөрийн хэлтсээс хэрэгжүүлж буй “Эзэнтэй Монгол” хөтөлбөрийн хүрээнд “Хантайширын нуруу” хоршоотой хамтран тохижилтын ажлын төслийг өнгөрсөн сарын 2-ноос энэ сарын хоёрны өдрүүдэд хийж хэрэгжүүлжээ.

Дүүргийн 9 болон 21 дүгээр хорооны нутаг дэвсгэрт “Нийтийн эзэмшлийн талбайг тохижуулах, ногоон байгууламж хийх, явган хүний замыг засах, авто замын хажуугийн үерийн далангийн усны шуудууг засах, шороон даланг бетондох” ажлыг 4 хэсэг газарт хийсэн байна.

Уг ажилд дүүргийн ажилгүй, 40-өөс дээш насны 20 иргэн нэгдэж хоршоо байгуулан, дүүрэг, хорооныхоо тохижилтод хувь нэмэр оруулж, өөрсдийн амьдарч буй орчноо сайжруулахаар санаачилсан  төслийг Хөдөлмөрийн хэлтсээс дэмжин  хэрэгжүүлсэн аж.

Тус хоршооны гишүүд энэ сарын 11-ний өдөр хийж хэрэгжүүлсэн ажлаа дүүрэг болон харьяа Хөдөлмөрийн хэлтэс, хороондоо хүлээлгэн өгсөн байна.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.