МХЕГ-ын Экспорт, импорт, хилийн хорио цээрийн газрын дарга Н.Баярсайхан, Хэлтсийн дарга Э.Аззаяа нар аж ахуйн нэгжүүдийг хясан боогдуулах замаар бараг тэрбум төгрөгний авлигал авсан нь тогтоогдсон билээ. /Оймсноос нь боодол доллар гарч ирж шуугиан тарьж байлаа./
Тэдэнтэй авлигалын хэрэгт хамт холбогдсон байцаагчид өнөөдрийг хүртэл МХЕГ-т албан тушаалаа үргэлжлүүлэн хашсаар байна. Авлигал авсан ч хариуцлага тооцдоггүй учраас дараагийн авлигачид шинээр төрсөөр байна. Нийслэлийн Мэргэжлийн хяналтын газрын Экспорт, импорт, хилийн хорио цээрийн хяналтын хэлтсийн дарга Н.Гэрэлт-Од нь малын түүхий эд импортлох тусгай зөвшөөрөлтэй “Зэмүүн” ХХК-ийн захирал Ц.Жаргалсайханаас хэлтсийнхээ ахлах байцаагч Ж.Ариунаагаар дамжуулан 800,000 төгрөгийн хахууль авсан нь АТГ-ын мөрдөн шалгалтаар тогтоогджээ.
Түүнд Эрүүгийн хэрэг үүсгэн яллах дүгнэлт үйлдэж, Чингэлтэй дүүргийн Эрүүгийн хэргийн анхан шатны шүүхэд шилжүүлээд байна. Илэрсэн нь энэ болохоос цаана нь илрээгүй хэдэн төгрөг ч авч байгааг хэн ч мэдэхгүй. Төрийн албанд авлигал амь бөхтэй оршсоор л байг уу!
Сэтгүүлч Б.Отгон
Энэ мэдээ танд таалагдаж байвал LIKE хийгээрэй. Танд баярлалаа.
