ACV (Apple Cider Vinegar) буюу Алимны Цуу

2020 оны 05-р сар 23-нд 09:49 цагт
Мэдээний зураг,

Apple Cider Vinegar (ACV) буюу алимны цууны ашиг тусыг хүмүүс эрт дээр үеэс олж мэдэн хоол хүнс, эрүүл мэнддээ ашигласаар ирсэн байдаг. Халуун буулгах, дархлаа дэмжих, ханиад томуу, арьсны асуудал, үе мөчний өвчин, илүүдэл жингээсээ ангижрах, үс хумсаа ургуулах, гоо сайхан, цэвэрлэгээ, мэдээж хоол хүнсэндээ хэрэглэх гэх мэт маш олон төрлөөр ашиглаж болдог юниверсаль цуу юм.

Энэ удаад та бүхэндээ эрүүл мэндийн ашиг тусын талаар багахан мэдээлэл бэлдлээ. Мэдээж би эмнэлгийн мэргэжилтэн, эмч, хоол зүйч биш тул өөрийн дагадаг эмч, эрүүл мэндийн мэргэжилтнүүдийн өгсөн мэдээлүүдийг нэгтгэн оруулж байгаа юм шүү. Гол нь алимны цууг хэрэглээд маш олон хүмүүс эерэг үр дүнтэй байдаг ба яагаад хүний биед тийм үйлчлэлүүд үзүүлээд байгаа юм бэ гэдэг талаас нь тайлбарлах гэж оролдосон юм шүү.

ЭРҮҮЛ МЭНДИЙН АШИГ ТУС Алимны цуу гэдэг нь энгийн үгээр исгэсэн алимны шүүс бөгөөд маш олон төрлийн ашигтай бактери, энзим агуулж байдгаас гадна acetic acid буюу цууны хүчил агуулсан байдагт түүний гол ашиг тус нь оршино. Алимны цууг тогтмол хэрэглэснээр эрүүл мэндэд дараах ач тусыг үзүүлдэг байна:

1. Хоолны шингэцэд сайнаар нөлөөлнө. Бидний ходоод маш хүчиллэг, pH буюу хүчиллэгийн нэгж нь 1-3 хооронд байх ёстой байдаг бол бид нас ахих тусам ходоодны хүчил багасч, ингэснээр хоол хүнснийг, тэр тусмаа уургийг боловсруулахад хүндрэлтэй болж ирдэг. Хоол идэхийн өмнө АCV-г хэрэглэснээр ходоодны хүчлийг нэмэгдүүлснээр хоол боловсруулалтанд сайнаар нөлөөлнө. Ходоодны хүчил нэмэгдсэнээр өөх тос, уургийг задлахад хэрэглэгдэх энзимүүд идэвхжиж, цөс суллагддаг ба эдгээр нь мөн хоол хүнсийг бүрэн задлахад тусална.

2. Хоол боловсруулалтын системийн эмгэгүүд болох аманд гашуун амтагдах (acid reflux), цээж хорсох (heartburn), гэдэс дүүрч цанхайх (bloating), хэхрүүлэх, унгуулах (gas) зэрэгт сайнаар нөлөөлнө. Аманд гашуун амтагдахад хүмүүс ходоодны хүчил ихэслээ гэж дүгнээд Antiacid буюу хүчил багасгах эм уудаг. Энэ нь шинж тэмдгийг түр зуур анагаах боловч, урт хугацаандаа бол нэгэнт багассан ходоодны хүчлийг улам багасгаж, өвчнийг даамжруулж байгаа юм. Ходоодны хүчил багассанаас ходоодны хавхлага (хоол ороход онгойж, орж дуусахад хаагдах зориулалттай) бүрэн хаагдахаа больж, ходоодны хүчил дээшээ улаан хоолойруу цогьж гарснаар аманд гашуун амтагдаж, цээж хорсох явдал гардаг. Үүнийг анахаахын тулд та хоолныхоо өмнө ACV буюу алимны цууг устай найруулан хэрэглээд үзээрэй. Гэдэс дүүрэх, хэхрүүлэх, унгуулах нь хоол хүнс, тэр тундаа уураг бүрэн задраагүйн шинж тэмдэг ба ходоодны хүчлээ нэмэн, хоол боловсрүүлалтаа дэмжсэнээр эдгээр таагүй үзэгдлүүдээс салах боломжтой юм.

3. Цусан дахь сахарын хэмжээг бууруулна. Хоёр цайны халбага алимны цууг нүүрс ус ихтэй хоолтой хамт хэрэглэхэд цусан дахь сахарын хэмжээ болон инсулины ялгаруулалтыг 34 хувь буулгаж байсан нь нэгэн судалгаагаар тогтоогджээ. Сушины будаанд цуу хийж хэрэглэхэд глюкемийн индексийг 40 хувь бууруулж байсан. Мөн түүнчлэн даршилсан огурцы, ногоог будаатай хамт хэрэглэхэд будааны глюкемийн индексийг бууруулдаг байна. Төмсийг жишээ нь хүйтнээр, цуугаар амтлаад идэхэд энгийн төмс идсэнээс глюкемийн индекс нь 43 хувиар бага инсулин нь 31 хувиар бага ялгарсан байна. Энэ хоёр тохиолдолд нүүрс усны хэмжээ нь ижил бөгөөд, цуу хэрэглэх нь нүүрс усны хэмжээг багасгахгүй, харин тухайн нүүрс усыг хэрэглэхэд биед ялгарч байгаа инсулины хэмжээг бууруулдагийг харуулж байна. Иймд чихрийн шижинтэй хүмүүс алимны цууг хэрэглэж байвал их үр дүнтэй байхнээ. Цусан дахь сахарын хэмжээ буурч, инсулины ялгаралт багассантай холбоотойгоор цусан дахь холестерол, триглицеридийн хэмжээ мөн буурах, зүрх судасны эрүүл мэнд, даралт ихсэх зэрэгт эерэгээр нөлөөлдөг байна.

4. Илүүдэл өөхийг хайлуулж, жин хасахад тусална. Алимны цууг хоолны өмнө хэрэглэхэд цатгалан мэдрэмж төрж, бага идэж, хурдан цаддаг гэсэн судалгаа байдаг. Мөн мацаглаж байхдаа алимны цууг хэрэглэхэд хоолны дуршил бууруулдаг байна. Мэдээж цусан дахь сахарын хэмжээг бууруулснаар инсулин ялгаралтыг багасгаж, инсулины мэдрэг чадварыг (insulin resistance) сайжирна. Ингэснээр таны бие илүүдэл өөхийг шатаах боломжтой болж, жин хасахад дөхөмтэй болдог байна.

5. Биеийн дархлааг дэмжинэ. Алимны цуу нь цусны цагаан эсүүдийг өдөөснөөр дархлааг дэмжиж, халдвар нянгийн эсрэг үйлчлэлтэй байдаг тул тул ханиад хүрэх, хоолой өвдөх, өвчний анхан шинж тэмдгүүд эхэлсэн даруй хэрэглэх нь маш үр дүнтэй юм. Хүмүүс дархлаагаа дэмжихийн тулд C амин дэм уудаг. С амин дэмийн уудаг

6. Эрдэс, амин дэмийн шимэгдэлтийг сайжруулна. Ходоодны хүчлийн хэмжээ бага байхад зарим эрдэс, амин дэмүүдийг шимэгдэлт сайн явагддаггүй. Калци, магни, төмөр, К, С, B12 амин дэмүүд нь хүчиллэг орчинд шимэгддэг тул ходоодны хүчлийг нэмснээр эдгээр нь биед бүрэн шимэгдэх боломжтой болдог. Кальцийн шимэгдэлт удааширахад кальци зөөлөн эдэд хуримтлагдан, зөөлөн эдийн шохойжилт үүсгэдэг юм байна. Ингээд таны бие хөшиж, үе мөч өвдөх гэх мэт шинж тэмдгүүд илэрнэ. Хэдий кальцийн бэлдмэл уугаад ч, таны pH түвшин шүлтлэг байвал та кальциа нөхөж чадахгүй, дутагдалд ордог. Алимны цуу хэрэглэснээр хүчиллэг орчин үүсэж зөөлөн эдэд хуримтлагдсан кальци хөдөлгөөнд орж таны биед шимэгдэх боломжтой болдог байна.

7. Нарийн гэдсэнд нян үржих хам шинж өвчнөөс сэргийлдэг. (SIBO буюу Small Intestine Bacterial Overgrowth) SIBO буюу нарийн гэдсэн нян үржих хам шинг гэдэг нь бүдүүн гэдсэнд амьдардаг болон баасанд тодорхойлогдох нянгууд нарийн гэдсэнд өсч үржих эмгэг байдлыг хэлнэ. Ходоодны хүчлийг алимны цууны тусламжтайгаар дэмжиж өгөхөд эмгэг төрөгч нян үржих орчин үгүй болж нарийн гэдэсний нянгийн өсөлтөөс сэргийлдэг байна.

ХЭРЭГЛЭХ ЗААВАР, ХОРИГЛОХ ЗААЛТУУД

Өглөө, хоолны өмнө дараа гээд хэзээ ч ууж болно. 1-2 хоолны халбагыг 250-350мл усанд найруулаад ууж болно. Зарим хүмүүст амт нь таалагдахгүй, ууж чаддаггүй. Тийм бол лемоны хүчил, стевиа амтлагч нэмэн амтлаг ундаа болгоод хэрэглээд үзээрэй. Алимны цууг хэрэглэхдээ органик, “with mother” гэдгийг нь хэрэглэхийг зөвлөж байна (зураг харна уу). Мэдээж ходоодны шархлаа, үрэвсэлтэй бол эхлээд эдгээр асуудлуудаа шийдэж байж хэрэглэх нь зохистой.

Ходоодны шархлаа, үрэвсэлд ногоон ургамлын хлорофилл, wheatgrass juice буюу буудайн соёолжийн нунтаг хэрэглээд үзээрэй. Мэдээж тууштай, удаан хугацаанд хугацаанд хэрэглээд, хооллондоо мөн анхаарснаар үр дүнд хүрэх боломжтой юм шүү! Алимны цуу нь хүчиллэг тул шүдний пааланг гэмтээх эрсдэлтэй гэж ярьдаг. Тэгэхээр усанд найруулж уухаас гадна соруулаар уух зэрэг аргуудыг хэрэглэж болно.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.